Баланы 5-сыныпқа көшу кезеңінде қолдайық
Солтүстік Қазақстан облысының мектептерінде бастауыш және негізгі мектеп арасындағы сабақтастықты қамтамасыз етуге бағытталған «Сапаны сақтау» жобасы аясында ата-аналар жиналыстары өтуде.
5-сыныпқа көшу — әрбір бала үшін маңызды кезең. Бұл уақытта оқытудың үйреншікті жүйесі өзгереді, жаңа мұғалімдер мен пәндер пайда болады, баланың дербестігі мен жауапкершілігі арта түседі.
Ата-аналармен кездесулер барысында мамандар бесінші сынып оқушыларының бейімделу ерекшеліктері, туындауы мүмкін қиындықтар туралы айтып, осы кезеңде отбасы мен мектептің балаға қалай бірлесіп қолдау көрсете алатыны жөнінде түсіндіреді.
Жобаның басты мақсаты — баланың негізгі мектепке өту кезеңін жайлы, жүйелі әрі табысты ету, оның оқуға деген қызығушылығын сақтап, мектеп өмірінің жаңа кезеңіне сенімді қадам басуына көмектесу.
Балаға қолдау көрсету мен оның әл-ауқаты туралы сөз болғанда, мектеп пен отбасы — бір команда.
.jpg)
.jpg)
.jpg)
