Асыл сөзді іздесең,

Абайды оқы ерінбе.

Адамдықты көздесең,

Жаттап тоқы көңілге. -

деп ақын Сұлтанмахмұт Торайғыров жырлағандай ақын өлеңін жатқа білу - әр оқушыға, әр балаға, қала берді әр қазаққа парыз әрі міндет десем артық болмас. Мектебімізде жыл сайын өтілетін дәстүрлі Абай оқулары «Абай – дара, Абай – дана қазақта» тақырыбында 2019 жылдың 30 қаңтарында 5-10-сынып оқушылары арасында 3 кезең бойынша өтілді. Жауапты мұғалімдер – Токпанова Сандуғаш Қайыржанқызы және Байтенова Гүлім Жақсылыққызы. І кезең «Қуат алдым жырларыңнан, нәр алдым...» номинациясы бойынша ақын өлеңдерін жатқа мәнерлеп оқу сайысы. ІІ кезең «Көңілім әнді ұғады» номинациясы бойынша Абай әндерін орындау. ІІІ кезең «Жүйріктен жүйрік озар жарысқанда» номинациясы бойынша өз шығармашылықтары бойынша жас дарынды ақындар сайысы түрінде өтті. Ойы ұшқыр, сөз қадірін түсінген, бүгінгі жас буынның өнерлеріне әділ баға беретін әділқазылар да өз кезегінде әділ бағаларын берді. Жеңіске жеткен оқушылар қалалық Абай оқуы сайысында тағы бір мәрте сынға түседі.

Чтобы оставлять комментарии авторизуйтесь