Қаңтардың 25 жұлдызында қазақ тілі мен әдебиеті пәні бойынша онкүндіктің өтуіне байланысты Ж.Қ Қасқырбаеваның 5- сыныпта қазақ тілі пәнінен «Менің сайгүлігім. Қысқарған сөздер» атты ашық сабағы өтті. Сабақ басында сыныпта психологиялық ахуал тудыру үшін «Жүректен жүрекке» әдісі арқылы оқушылар бір- біріне жылы лебіздерін білдірді. Суреттер арқылы топқа бөлінді. Мұғалім жұмбақ жасара отырып, сабақтың тақырыбын шығарды. Ең алдымен сабақтың мақсатымен таныстырып, сол мақсатқа жету үшін «Конверттегі сұрақтар», «Әуе шары», «Кім жылдам», «Элективтік тест» әдіс-тәсілдерін қолданды. Қалыптастырушы бағалау ретінде «Оқушылардың шолуы», «Шапалақ», «Бас бармақ» әдістері орындалды. Сабақ соңында рефлексияға «321» әдісі орындатылып, сабақтың мақсатына жеткендігін атап өтті. Және сабаққа белсенді қатысқан оқушыларға тәтті сыйлықтар ұсынылды. Оқушыларға сабақ өте ұнап, рахметтерін жаудыртты.

Чтобы оставлять комментарии авторизуйтесь