Оқу жылының басталып кеткеніне де міне 1,5 ай болып қалды. Жаз бойы демалыстан шаршап, мектебін, сыныптастарын, ұстаздарын сағынып жеткен оқушылар қауымы да оқу үдерісіне толық енді.Тіпті биыл тұңғыш рет мектеп табалдырығын аттаған бүлдіршіндер де мектеп ережесіне үйренісіп кетті. Қазан айының басында бəрімізді қуанта келетін мерекелеріміздің бірі Ұстаздар күні де өтті. Бұл мейрам биыл дəл қазан айының 1-і күні қарттар күнімен тұспа-тұс келді. Ұстаздарын құттықтауға асыққан шəкірттеріміз биыл да өз ұстаздарын əдемі əуен, ерекше тосын сыймен құттықтап қуантты. Ұстаздар қауымы қандай құрметке болса да лайық жандар деп ойлаймын. Шəкірттердің ыстық ықыласына, олардың сүйіспеншілігіне бөлену ұстаз еңбегінің жемісінің бірі. Еңбектеріңіз жанып, биік белестерден көріне беріңіздер. Алар асуларымыз көп болсын, құрметті əріптестер!